မေး. ဘလော့ဂ်အကယ်ဒမီပေးပွဲဟာ ဘလော့ဂါတွေအပေါ်ကို ဘယ်လို ဂယက်ရိုက်စေနိုင်တယ်လို့ ထင်မြင်မိပါသလဲ။

ဖြေ - လှုပ်သွားစေတယ်လို့တော့ အသေအချာ ပြောနိုင်ပါတယ်။ လှုပ်သွားတာမှာ အကောင်းဖက်က မြင်တာနဲ့ အဆိုးမြင်တာ နှစ်ဘက်တော့ တွေ့ရ ပါတယ်။

မေး. မဲပေးစနစ်ကို ကျေနပ်မှု ရှိပါသလား၊ ဒီ့ထက်ပိုမိုကောင်းမွန်တဲ့ နည်းလမ်း အကြံပြုချင်တာများ ရှိပါသလား။
ဖြေ - သိရသလောက် ကျေနပ်မှုရှိပါတယ်။ ပယ်မဲ ထက်ဝက်နီးပါးဖြစ်နေတာကတော့ အံ့သြမိပါတယ်။ အကြောင်းကြောင်းကြောင့် ကျော်ခွ ပေးကြရတာလည်း ရှိမယ် ထင်ပါတယ်။ ကျနော်တို့က နည်းပညာပိုင်း သိပ်နားမလည်တဲ့အတွက် ပိုကောင်းအောင် ဘယ်လိုလုပ်သင့်ကြောင်း အကြံ ပေးနိုင်မယ် မထင်ပါဘူး။ ပေးနိုင်တဲ့ အကြံကတော့ ကဏ္ဍတွေ ရွေးချယ်ရာမှာ နဲ့ အမျိုးအစားခွဲရာမှာ နောက်နှစ် ပိုကောင်းလာစေဖို့ပါပဲ။

မေး. အခုလို ဆု ရရှိတဲ့အတွက် ဘယ်လိုခံစားရပါသလဲ။
ဖြေ - လူစုံ တက်စုံမှာ နွှဲရတဲ့ပွဲမဟုတ်တော့ တခြားသူတွေကို အားတုံ့အားနာတော့ ဖြစ်မိပါတယ်။

မေး. အခုရရှိတဲ့ ဆု ဟာ မိတ်ဆွ အပေါ် ဘယ်လို အသုံးဝင်စေ ပါသလဲ။ လာမည့် နှစ်တွေ မှာ ဘယ်လို ဆု မျိုးတွေ ပေးသင့်ပါသလဲ။
ဖြေ - ဟုတ်ကဲ့။ ကျနော်တို့ မဂ္ဂဇင်းက သုံးနေတဲ့ Wordpress က ဗားရှင်းမြှင့်ပြီးနောက် ပို့စ်တင်လို့ မရဘဲ Error ပြနေပါတယ်။  ဆုရရှိလိုက်တော့ ရတာနဲ့ ကမန်းကတမ်း ဘလော့ဂ်ကို ရွှေ့ရမယ်ထင်ပါတယ်။ လာမယ့်နှစ် ဘယ်လိုဆုတွေ ပေးရမလဲဆိုတာ ရုတ်တရက်ဖြေရရင် အမျိုးအစားတွေ စေ့စေ့စပ်စပ်ခွဲပြီး ကဏ္ဍစုံအောင် လုပ်သင့်တယ် ထင်ပါတယ်။ The Blogger of the Year ဆိုတာမျိုးလေးလည်း ပေးသင့်တယ် ထင်ပါတယ်။  မြန်မာ ဘလော့ဂ်တွေရဲ့ သဘာဝက ရောထွေးနေတယ်။ တစ်ယောက်ထဲက ကဗျာ၊ ဝတ္ထု၊ ဆောင်းပါး အကုန်ရေးတာ တွေ့ရတယ်။ စပယ်ရှယ်လိုက်ဇ် နည်းတယ်။ အခု နောက်ပိုင်း ကယ်ရီကေးချား သီးသန့်၊ ဓာတ်ပုံသီးသန့်၊ ကဗျာ သီးသန့် ဆိုတာလေးတွေ စတွေ့လာရပါပြီ။

မေး. ဘလော့ဂ်အကယ်ဒမီပေးပွဲနဲ့ပတ်သက်ပြီး မိမိစိတ်ထဲ ခံစားရသမျှ အလွတ်သဘော ဆွေးနွေးပြောဆိုပေးပါ။

ပိုကောင်းမယ့် မနက်ဖြန် ဘလော့ဂ်သည် ထိုင်းနိုင်ငံသို့ အကြောင်းအမျိုးမျိုးဖြင့် ရောက်ရှိနေသော မြန်မာနိုင်ငံသားတို့၏ အနိုင်ကျင့် ခေါင်းပုံဖြတ်ခံရမှုများ၊ ကျန်းမာရေး၊ လူမှုရေး၊ ပညာရေး အခက်အခဲများကို ဖော်ထုတ်ရေးသားသော ဘလော့ဂ် ဖြစ်သည်။

မေး - MBAA ကို ဘယ်လို စသိပါသလဲ။

ဖြေ - ကိုသင်ကာရဲ့ ဂျီတော့ခ် မက်ဆေ့ခ်ျကနေ စပြီး မြင်မိပါတယ်။

မေး - မြင်လိုက်တဲ့ အခါ…။

ဖြေ - သေချာ သွားမကြည့်ဖြစ်သေးခဲ့ဘူး။ အလုပ်သွားခါနီးမို့။ သွားကြည့်ဖြစ်တဲ့ အချိန်မှာ ၂၃ မဲရနေပြီ။ တော်တော် ဝမ်းသာမိပါတယ်။

မေး - ဘလော့ဂ်ကို ဘယ်တုန်းက စရေးခဲ့ပါသလဲ။

ဖြေ - မနှစ်က စက်တင်ဘာ တော်လှန်ရေး ဖြစ်သွားပြီး နောက်ပိုင်းပါ။

မေး - မဲပေးနေကြစဉ်မှာ အရွေးခံ ဘလော့ဂ်ရှင် အနေနဲ့ ကြုံရတာလေးတွေ ပြောပြပါဦး။

ဖြေ - ငါ့ဘလော့ဂ်တော့ မဲပေးခံစာရင်းထဲ ပါနေတယ်။ မဲပေးကြနော်လို့တော့ ဆော်သြမိပါတယ်။ ကျနော့်ဘလော့ဂ် မဲဘယ်လောက်ရပြီ ဆိုတာအပြင် အာရှအကောင်းဆုံးဘလော့ဂ်ပြိုင်ပွဲမှာ အိန္ဒိယနဲ့ သူတင်ကိုယ်တင်ပြေးနေတဲ့ အရှင်မေတ္တာစာရတို့ ဘယ်သူ ဘယ်နှမဲ ရှိပြီဆိုတာကို ရုံးက နို့တစ်ဘုတ်မှာ နေ့စဉ် မြေဖြူနဲ့ ရေးထားပါတယ်။

မေး - မြန်မာဘလော့ဂ် ပရက်အဖွဲ့ရဲ့ စီစဉ်မှုအပေါ် အမြင်ကို သိပါရစေ။

ဖြေ - မဲထိန်းချုပ်တဲ့ နည်းပညာကိုတော့ ကျနော် နားမလည်ပါဘူး။ တင်းကြပ်တဲ့နည်းတဲ့ မှန်ကန်အောင် ဘယ်လိုလုပ်ဆောင်ကြောင်း သိချင်ပါတယ်။

(ယခုအခါ မြန်မာဘလော့ဂ် ပရက်မှ ဖော်ထုတ်ရေးသားပြီး။)

မေး - ဆုရပြီဆိုတော့ ဘာဆက်လုပ်မလဲ။

ဖြေ - အသိအမှတ်ပြုမှုရှိတော့ လုပ်ရတာ ပိုအားရှိပါတယ်။ မိုက်ဂရန့်တွေရဲ့ ရင်ထဲကစကား ဒုက္ခတွေကို ပိုပြီး ထုတ်ဖော် တင်ပြဖို့ အားရှိလာပါတယ်။

မေး - နောက်ဆုံးအနေနဲ့ ဘာများ ပြောချင်ပါသေးလဲ။

ဖြေ - ကျနော်က မြန်မာပြည်က တရားမဝင် ဝင်ရောက်လာသူတွေ အကြောင်း ဘလော့ဂ် ရေးတယ် ဆိုပေမယ့် လွယ်တာတော့ မဟုတ်ပါဘူး။ မြန်မာရွေ့ပြောင်း အလုပ်သမားတွေဆီကိုသွားပြီး ကျန်းမာရေး ပညာပေး ဟောရင်တောင် အလုပ်သမားတွေကို မြှောက်ပေးတယ်လို့ ထိုင်းသူဌေးက ထင်တတ်ပါတယ်။ ထိုင်းသူဌေးရဲ့ လူမိုက်တွေကိုလည်း ကြောက်ရသေးတယ်။ ဒါပေမယ့် အင်ဖော်မေးရှင်းအတွက် လုပ်လို့ရတာ လုပ်မယ်ဆိုပြီး လုပ်တာပါ။ ကျနော် ဘလော့ဂ်မှာ ဆက်ရေးပါဦးမယ်။ ရေးလို့ရသလောက် ဆက်ရေးနေပါဦးမယ်။

လေးစားစွာဖြင့်

Better Tomorrow ( ကိုအောင်ကြည် )

မဲရတာနဲ့  ကိုယ့်ဘလော့ထဲမှာ အားပေးတဲ့ ကွန်မန့်  ရတာကို ထပ်တူထပ်မျှ ကျေနပ် ခံစားမိ ပါတယ်။ ကိုယ့်ကို ပရိသတ် ဘယ်လောက် ချစ်ခင်သလဲ ဆိုတာ စောင့်ကြည့် ချင်တဲ့ ဆန္ဒ ရှိပါတယ်။ ( ဒီလို ပြောလို့  မဲမရတဲ့သူတွေကို ပရိသတ်က ချစ်ခင်မှု မရှိ၊ အားပေးမှု မရှိဘူးလို့ ဆိုလိုတာ မဟုတ်ပါဘူးခင်ဗျ။ ပရိသတ်ထဲမှာ အသံတိတ် ပရိသတ် တွေနဲ၊့ မဲပေးတာတွေ ဘာတွေ ဝါသနာ မပါတဲ့ ပရိသတ်တွေ ရှိနေမှာပါ။ ဘလော့ဂါတိုင်းမှာ သူ့ ပရိသတ်နဲ့ သူ ရှိပါတယ်။အကုန် အတူတူ ချည်းပါ။ ) ကိုယ့်ကိုယ်ကို အကောင်းဆုံး ကဗျာဆရာ လို့ မခံစားရ သလို ပရိသတ် အကြိုက်ဆုံး ကဗျာဆရာလို့ လည်း မယူဆပါ ခင်ဗျား။ အသားတင် မဲအများဆုံး ရပြီး ပရိသတ် အနည်းအကျဉ်း ရှိတဲ့ ကဗျာ ရေးသူလို့ ပဲ ခံစားရပါတယ်။ ကျွန်တော့်ကို မဲပေးတဲ့ သူကော၊ မဲမပေးတဲ့ သူကော ကျွန်တော့် ပရိသတ်မှန် သမျှ ကျေးဇူးတင်ကြောင်းပြောပါရစေ။

ဘလော့ဂါတွေ အပေါ်မှာ ကျင်းပတဲ့အချိန်၊ ကျင်းပပြီးခါစ အချိန်တွေမှာ တော့ ဂယက် အမျိုးမျိုး ရိုက်မှာပါ။ ဘယ်လို ဂယက်တွေ ရိုက်သလဲ ဆိုတာတော့ စိတ်ဝင်စားသူ တိုင်းအသိမို့  ကျွန်တော် မပြောတော့ပါဘူး။ အမြင် အမျိုးမျိုးပေါ့ဗျာ။ ဒါပေမယ့် ဆုပေးပွဲ ရှိရှိ မရှိရှိ ဘလော့ဂါတွေ နဲ့ ပရိသတ် တွေက ဒီအတိုင်း ကိုယ် ဝါသနာ ပါတာကို လုပ်ရင်း ပုံမှန် လည်ပတ်နေမှာပါ။ ဒီပွဲ မရှိခင်ကတည်း က ဘလော့ လောက က စည်ကားနေပြီးသားပါ။

အဲလိုပြောတာဟာ ဒီလို မဲပေးပွဲ မလုပ်သင့် ဘူးလို့့ ပြောလိုတာ တော့ မဟုတ်ပါခင်ဗျား။ ကျွန်တော် တစ်ဦးတည်း အနေနဲ့  ကတော့ MBBA အဖွဲ့  သားတွေရဲ့  ကြိုးစား အားထုတ်မှုကို အကောင်း မြင်မိ ပါတယ်။ ( အမြင်မတူတဲ့ သူတွေကိုလည်း မှားတယ်လို့ မဆိုလိုပါ။ တစ်ချို့  အမြင်မတူသူတွေရဲ့ အမြင်တွေ တော်တော်လေး ကောင်းမွန်ပါတယ်။ ပုဂ္ဂိုလ်ရေး တိုက်ခိုက်မှုတွေ မပါပဲ လွတ်လွတ်လပ်လပ် ကွဲလွဲ ကြတာပေါ့ ခင်ဗျား။ ကျွန်တော့် ကဗျာတွေနဲ့ ပတ်သတ် တဲ့ ဝေဖန်မှု ကိုသာ လိုလား ပါတယ်။ ဒီလိုကိစ္စတွေ နဲ့  တော့ အငြင်းပွါးမှု ထဲမှာ မပါချင်ပါ ခင်ဗျား။ )

အကြံပြု ချင်တာများ ရှိပါသလားဆိုတဲ့ မေးခွန်းကို ဖြေရရင်တော့ အချိန်လု ပြီးလုပ်ရလို့ ထင်ပါတယ်။ ကဏ္ဍ ခွဲတာ ကတော့ လိုအပ်မှုတွေ ရှိခဲ့တယ်လို့ မြင်ပါ တယ်။   ပြီးတော့ တစ်ချို့  ပါသင် တဲ့ ဘလော့တွေ မပါဘူးလို့ ခံစား ရပါတယ်။ တစ်ချို့  ဘလော့တွေ ကိုလည်း ကဏ္ဍ ခွဲထားတာ လွဲနေတယ်လို့ မြင်ပါ တယ်။ ကဏ္ဍ ခွဲတာ လွဲလို့  ကာယကံရှင် ဘလော့ဂါတွေ အခံ ရခက်မှာ အသေအချာပါ။ နောက်တစ်ကြိမ် လုပ်မယ်ဆိုရင် အချိန်လု စရာမလိုတော့တဲ့ အတွက် ဒါမျိုးမဖြစ်နိုင် တော့ဘူးလို့ ထင်ပါတယ်။ ဘေးကနေ အကြံပေးရတာ လွယ်ကူပြီး တကယ်လုပ် ရတာက ခက်တဲ့အတွက် အကြံပြုချက် တွေ အားလုံး ကို ယူဖို့ တော့ အခက်အခဲ တွေ ရှိနေမှာပါ ခင်ဗျား။ လက်တွေ့  လုပ်ရတဲ့ သူတွေက ဘယ်လို အခက်အခဲတွေ ရှိတယ် ဆိုတာကို အသိဆုံးပါ။ အပင်ပန်းခံပြီး အတတ်နိုင်ဆုံး ကြိုးစားထားတယ် လို့ ကျွန်တော် ယုံကြည် ပါတယ်ခင်ဗျား။ perfect ဖြစ်ဖို့  ဆိုတာကတော့ မလွယ်မှန်းသိပါတယ် ခင်ဗျား။

နောက်ဆုံး အနေနဲ့  ကျွန်တော့် ပရိသတ် မှန်သမျှ မဲပေးတဲ့သူရော မဲမပေး ဖြစ်တဲ့သူတွေကို ပါ ကျေးဇူးတင်ကြောင်း ပြောပါ ရစေ။ ကဗျာတွေ၊ စာတွေကို စိတ်ဝင်စား တဲ့ သူဆိုရင် ကျွန်တော့် ဘလော့ ကို လာလည်ပြီး အားပေးကြဖို့ ဖိတ်ခေါ်ပါရစေ။

MBAA ကိုလည်း ကျေးဇူးတင်ကြောင်း ပြောပါရစေခင်ဗျား။

အားလုံးအဆင်ပြေ ပျော်ရွှင်ကြပါစေဗျာ။

လေးစားစွာဖြင့်

ကောင်းကင်ကို

ကိုယ်ရေးထားတာလေး ပရိသတ် က ဘယ်လိုများ သဘောထားကြပါလိမ့် ဆိုပြီး သိချင်စိတ် ဖြစ်မိပါတယ်။ ရေးတင် ထားတာလေးတွေကို  စာဖတ်သူ ဘယ်လောက်များများ နှစ်သက် လက်ခံကြသလဲ ။ စာဖတ်သူ ကြိုက်နှစ်သက်တယ် ဆိုတာ ဘယ်လို စာမျိုးလဲ သိချင်စိတ် ကြောင့်  ဒီအစီအစဉ်ကို ကြိုဆိုသူစာရင်းမှာ ပါပါတယ်။

၂. ဘလော့ဂ်အကယ်ဒမီပေးပွဲဟာ ဘလော့ဂါတွေအပေါ်ကို ဘယ်လို ဂယက်ရိုက် စေနိုင်တယ်လို့ ထင်မြင်မိပါသလဲ.

ကိုယ်ရေးချင်တာ စွတ်တင်ပြီး ရေးနေလို့ မဖြစ်ဘူး။ စောင့်ကြည့် အကဲဖြတ်မှု တချို့ ရှိနေတာကြောင့်  ကောင်းသည်ထက်ကောင်းအောင် အားထုတ်မှ ဆိုတာမျိုး က တဖက် ၊ ဘယ်လိုပုဂ္ဂိုလ်ကျော်မျိုတွေမို့  ဒီလို ရွေးပွဲကြီးကို ကမကထ လုပ်ကြတာလဲ ၊ အလကား အကြံအဖန် လုပ့်တာ၊ အပို အလုပ်တွေ ဆိုတာက တဖက် .. ။ အနည်းဆုံး အဲဒီ ဘက်နှစ်ဖက်ကတော့ ပေါ်လွင်လာ ပါတယ်။

၃. မဲပေးစနစ်ကို ကျေနပ်မှု ရှိပါသလား၊ ဒီ့ထက်ပိုမိုကောင်းမွန်တဲ့ နည်းလမ်း အကြံပြုချင်တာများ ရှိပါသလား.။

ဒီထက်ပြည့်စုံကောင်းမွန်စေချင်ပါတယ် ။ နည်းပညာ မကျွမ်းကျင်တာကြောင့် ဘယ်လို လုပ်ပါလို့ တော့ မပြော တတ်ပါဘူး ။

၎. အခုလို ဆု ရရှိတဲ့အတွက် ဘယ်လိုခံစားရပါသလဲ။

ဘလော့ ရေးဖြစ်အောင် ပံပိုးခဲ့သူတွေ ၊ စာဖတ်သူတွေကို ကျေးဇူးစကား ဆိုမှ သာ မင်္ဂလာတရား နဲ့ အညီ ဖြစ်ပါလိမ့်မယ်။ အားလုံးကို ကျေးဇူးစကား အလေးအနက် ဆိုပါတယ် ။ခြွင်းချက်ဖြင့်  ဆုရသူ လို့ ကိုယ့်ကိုယ်ကို ခံစားရပါတယ်။ ဘလော့အားလုံးမပါဝင်တဲ့ ရွေး ပွဲမို့ ရာနှုံးပြည့် ထိုက်တန်တယ် လို့  မပြောနိုင်တာ သေချာပါတယ်။ ဝမ်းမြောက်မှု အချို့ ရှိခဲ့ပါတယ်။

၅. အခုရရှိတဲ့ ဆု ဟာ မိတ်ဆွ အပေါ် ဘယ်လို အသုံးဝင်စေ ပါသလဲ။ လာမည့် နှစ်တွေ မှာ ဘယ်လို ဆု မျိုးတွေ ပေးသင့်ပါသလဲ။

အရိုးသားဆုံး ဝန်ခံရရင် ဒေါ့ကွမ်း၊ ဒိုမိန်း၊ ဆာဗာ၊  ဝက်ဘ်ဆိုဒ်၊   ဆိုတာတွေကို ကျနော် အခုထိ ရှင်းရှင်း လင်းလင်း နားမလည် သေးပါ ။ ဆု အမျိုးအစား က အဓိက မကျ လှပါဘူး ။ ဆုပေးနည်း စံနစ်ကျ ဘို့ နဲ့  အသိအမှတ်ပြုခြင်းသာ အခရာပါ။

၆. ဘလော့ဂ်အကယ်ဒမီပေးပွဲနဲ့ပတ်သက်ပြီး မိမိစိတ်ထဲ ခံစားရသမျှ အလွတ်သဘော ဆွေးနွေးပြောဆိုပေးပါ.။

ကျနော် အကောင်းဘက်က မြင်ပါတယ်။ တကယ် အရည်အချင်းရှိသူတွေ ပြည့်ပြည့်စုံစုံ ပါဝင်တဲ့  ရွေးပွဲမျိုး ဖြစ်လာစေချင်ပါတယ်။ ဘယ်အလုပ်မျိုးမှာ မဆို ခြောက်ပစ်ကင်းဖို့  ဆိုတာ ဖြစ်နိုင်ချေ အင်မတန် နည်းပါတယ်။

လေးစားမှုများဖြင့်

မင်းဒင်

၂၀၀၉ ခုနှစ်။ ဇန်နဝါရီလ( ၁၉ ) ရက်။

ဖြေ.. ရုပ်ရှင် ထူးချွန်ဆုလိုပဲ ကြိုးစားအားထုတ်ပြီး ရေးနေသူတွေအတွက် ဘလော့ဂ်ထူးချွန်ဆုလဲ ရှိသင့်တယ်လို့ ထင်ပါတယ်။

ဖြေ….စာရေးဖို့ ဝါသနာပါသူတွေ ဘလော့ဂ်အတွက် ပိုအချိန်ပေးလာကြမယ်၊ စာတွေ ပိုဖတ်လာကြမယ်လို့ ထင်မိပါတယ်။

ဖြေ….ပထမဆုံးအကြိမ် လုပ်တာဆိုတော့ ချွတ်ယွင်းမှုလေးတွေတော့ ရှိမှာပေါ့။ ပိုကောင်းတဲ့အကြံတော့ မပေးတတ်ပါဘူးး)

ဖြေ… ဝမ်းသာပါတယ်။

ဖြေ… ဒီအမေးကို ဖြေရမှာ နည်းနည်းအားနာပါတယ်။ အခု ကျွန်မသုံးနေတဲ့ blogspot.com က ဖရီးရနေတဲ့အတွက် ဒိုမိန်းနဲ့ ဝဘ်ဟို့စ်တင်း က ကျွန်မအတွက် (လောလောဆယ်) အသုံးမဝင်ဘူးလို့ ပြောချင်ပါတယ်။ ဖြစ်နိုင်ရင် အဲဒီဒိုမိန်းဝယ်တဲ့ ကုန်ကျမဲ့စရိတ်နဲ့ မြန်မာပြည်က မရှိသူတွေကို လှူဒါန်းနိုင်တဲ့ ပစ္စည်းမျိုး ကျွန်မလိုချင်ပါတယ်။ ဥပမာ- ဗလာစာအုပ်၊ ခဲတံ .. စတာတွေပေါ့။

၆. ဘလော့ဂ်အကယ်ဒမီပေးပွဲနဲ့ပတ်သက်ပြီး မိမိစိတ်ထဲ ခံစားရသမျှ အလွတ်သဘော ဆွေးနွေးပြောဆိုပေးပါ၊

MBAA-2008 logo

(၁) မြန်မာဘလော်ဂါပရက်စ် မှ ကြီးမှုးကျင်းပ၍ မြန်မာသတင်းသမဂ္ဂမှ ပေးအပ်ချီးမြှင့်သော “အကောင်းဆုံး မြန်မာဘလော့ဂ် အကယ်ဒမီဆု (၂၀၀၈)” မဲပေးခြင်း အစီစဉ်အား ဒီဇင်ဘာ (၂၅) ရက်နေ့၊ ၂၀၀၈ ခုနှစ် ၊ မြန်မာ စံတော်ချိန် နံနက် (၀၇း၀၀) နာရီ တွင် စတင်ကျင်းပခဲ့ပါသည်။

(၂) မဲပေးရန်ကဏ္ဍပေါင်း (၁၁) ခု နှင့် မဲပေးခံ ဘလော့ဂ်ပေါင်း (၁၇၀) ခု တို့ပါဝင်ခဲ့ကာ မဲပေးခဲ့သူပေါင်း (၇၈၃၈) ဦး၊ လက်ခံ ရရှိသော စုစုပေါင်း မဲအရေအတွက် (၇၇၁၅) မဲ၊ ပယ်ဖျတ်ခဲ့သည့် မဲ အရေအတွက် စုစုပေါင်း (၃၀၄၆) မဲ နှင့် အသားတင် ကျန်ရှိမဲ (၄၆၆၉) မဲတို့ဖြင့် ဇန်နဝါရီ (၁၀) ရက်နေ့၊ ၂၀၀၉ ခုနှစ် ၊ မြန်မာ စံတော်ချိန် ည (၁၂း၀၀) နာရီ တွင် မဲပေးခြင်း အစီအစဉ်ကို ပိတ်သိမ်း ခဲ့ပါသည်။

(၃) မဲများအား ရေတွက်ရာတွင် ဖြစ်နိုင်သမျှ အသန့်ရှင်းဆုံး နှင့် အမှန်ကန်ဆုံး ဖြစ်စေရေး ကိုရေးရှု၍ မဲစိစစ်ရေး ဘုတ် အဖွဲ့ဖြင့် မဲများရေတွက်ပြီး ကဏ္ဍအလိုက် ဆု ရရှိသူများ စာရင်းကို ထုတ်ပြန် ကြေညာရန် ဆုကြေညာ မည့် အချိန်ကို မူလ သတ်မှတ်ထားချိန်ထက် (၂၄) နာရီ တိတိ နောက်သို့ ရွှေ့ဆိုင်း သတ်မှတ် ခဲ့ပါသည်။

(၄) အပြီးသတ် အနေဖြင့် မြန်မာဘလော့ဂ် လောကရှိ ဘလော့ဂ်ဖတ်သူများ၊ ဘလော့ဂ်ရေးသူများ အားလုံး တို့၏ ပူးပေါင်း ပါဝင် ဆောင်ရွက်မှုများဖြင့် ခရစ် သက္ကရာဇ်၂၀၀၈ - ခုနှစ် အတွက် “အကောင်းဆုံး မြန်မာဘလော့ဂ် အကယ်ဒမီဆု”ရရှိ သူများစာရင်းကို မြန်မာ သက္ကရာဇ် ၁၃၇၀ ခုနှစ်၊ ပြာသိုလပြည့်ကျော် (၂) ရက်၊ ခရစ်သက္ကရာဇ် ၂၀၀၉ ခုနှစ်၊ ဇန်နဝါရီလ (၁၂) ရက်နေ့ ၊ နေ့လည် ၁၂း၀၀ နာရီ တိတိ တွင် ဖွင့်လှစ် ကြေညာခဲ့ပြီး ဆုရသူများစာရင်းအား တစ်ပတ်အတွင်း ကန့်ကွက် လိုသူများ ရှိပါက ကန့်ကွက်နိုင်ကြောင်း တို့ကိုပါ တစ်ပါတည်း ကြေညာခဲ့ပြီး ဖြစ်ပါသည်။

(၅) ယနေ့ မြန်မာသက္ကရာဇ် ၁၃၇၀ ခုနှစ်၊ ပြာသိုလပြည့်ကျော် (၈) ရက်၊ ခရစ်သက္ကရာဇ် ၂၀၀၉ ခုနှစ်၊ ဇန်နဝါရီ (၁၈) ရက်နေ့ တွင် မြန်မာဘလော့ဂါပရက်စ် မှ ကြေညာခဲ့ပြီး ဖြစ်သည့် အတိုင်း ခရစ် သက္ကရာဇ်၂၀၀၈ - ခုနှစ် အတွက် “အကောင်းဆုံး မြန်မာဘလော့ဂ် အကယ်ဒမီ” ဆုရ ဘလော့ဂ်များ စာရင်းပါ ဘလော်ဂါများအား ကန့်ကွက်သူမရှိ အပြီးသတ် အတည်ပြု၍ အောက်ပါ အတိုင်း ဆုများအား ပေးအပ်ချီးမြှင့် လိုက်သည်။

“အကောင်းဆုံး မြန်မာဘလော့ဂ် အကယ်ဒမီဆု (၂၀၀၈) “ ဆုရရှိသူ ဘလော့ဂ်များ စာရင်း”

(က) အကောင်းဆုံး ဘာသာရေး ဘလော့ဂ်ဆု (Best Religious Blog ) - မြတ်ဗုဒ္ဓအဆုံးအမများ ဘလော့ဂ်
(ခ) အကောင်းဆုံး ပညာရေး ဘလော့ဂ်ဆု (Best Education Blog ) - မသက်ဇင် ဘလော့ဂ်
(ဂ) အကောင်းဆုံး နည်းပညာ ဘလော့ဂ်ဆု (Best Blog About Blogging ) - ညီလင်းဆက် ဘလော့ဂ်
(ဃ) အကောင်းဆုံး နိုင်ငံရေး ဘလော့ဂ်ဆု (Best Political Blog ) - နစ်နေမန်း ဘလော့ဂ်
(င) အကောင်းဆုံး သတင်း ဘလော့ဂ်ဆု (Best News Blog ) - ခေတ်ပြိုင်ဂျာနယ် ဘလော့ဂ်
(စ) အကောင်းဆုံး ပရဟိတ ဘလော့ဂ်ဆု (Best Charity Blog ) - ပိုကောင်းမယ့် မနက်ဖြန် ဘလော့ဂ်
(ဆ) အကောင်းဆုံး မြန်မာစာပေ ဘလော့ဂ်ဆု (Best Myanmar Literature Blog ) - ဖွဲ့တည်ရာ မဂ္ဂဇင်း
(ဇ) အကောင်းဆုံး ရသစာပေ ဘလော့ဂ်ဆု (Best Literauture Blog ) - မင်းဒင် ဘလော့ဂ်
(ဈ) အကောင်းဆုံး ကဗျာ ဘလော့ဂ်ဆု (Best Poem Blog ) - ကောင်းကင်ကို ဘလော့ဂ်
(ည) အကောင်းဆုံး အစုအဖွဲ့ ဘလော့ဂ်ဆု (Best Association Blog ) - ကိုမိုးသီး ဘလော့ဂ်
(ဋ) အကောင်းဆုံး အထွေထွေ ဘလော့ဂ်ဆု (Best General Blog ) - နိုင်းနိုင်းစနေ ဘလော့ဂ်

်

(၆) ပေးအပ်ချီးမြှင့်မည့် ဆုများမှာ ဆုရရှိသူအားလုံး အတွက် တစ်ဦးချင်းစီ အလိုက် ဂုဏ်ပြုလွှာ တစ်စောင်စီနှင့် လက်ဆောင်ပစ္စည်း အဖြစ် အောက်ပါ ရွေးချယ်ဖွယ် (၂) မျိုးမှ တစ်ခုအား မိမိကြိုက်နှစ်သစ်ရာကို ပေးအပ် ချီးမြှင့်သွားပါမည်။

(က) မိမိစိတ်ကြိုက် ဒိုမိန်း တစ်ခု နှင့် ဝဘ်ဟို့စ်တင်း ဆာဗာ (၂) နှစ်စာ

(ခ) Rapidshare, Megaupload, Sendspace.. etc အစရှိသည့် အင်တာနက် ဖိုင်သိမ်းဆည်းခြင်းနှင့် ဒေါင်းလုဒ်လုပ်ခွင့် အကောင့် - (၂) နှစ်စာ

(၇) အထက်ပါ ကြေညာချက် အတိုင်း ဆုရရှိသူ ဘလော်ဂါများထံသို့လည်း တစ်ဦးချင်းစီ အလိုက် ဂုဏ်ပြုချီးမြှင့်လွှာ တစ်စောင်စီနှင့် တစ်ကွ ရရှိသည့် လက်ဆောင်ပစ္စည်း အမျိုးအမည်များကို တစ်ပါတည်း အီးမေးလ် ဖြင့် ပေးအပ် ချီးမြှင့်ပြီး ဖြစ်ပါသည်။

(၈) ပေးအပ်ချီးမြှင့်သော ဆုများ၏ ကုန်ကျစရိတ်များ၊ ကျသင့်ငွေများနှင့် ပတ်သက်၍ မြန်မာ ဘလော်ဂါပရက်စ်၊ မြန်မာသတင်းသမဂ္ဂ နှင့် နယ်ခြားမဲ့ သတင်းထောက်များအဖွဲ့ တို့က တိုက်ရိုက်ကျခံပါသည်။ အခြား မည်သည့် ပုဂ္ဂိုလ်၊ မည်သည့် အဖွဲ့အစည်း ထံသို့မျှ  ရံပုံငွေ ကောက်ခံခြင်းမျိုး လုံးဝ မရှိပါကြောင်း တစ်ပါတည်း ရှင်းလင်းစွာ အသိပေး အပ်ပါသည်။

Terms of Use : The MBAA Awards winner badge artwork belongs to The MBAA Awards owners. If you are a certified winner of a category in the 2008 MBAA Awards, we are granting you a perpetual license to display it on your blog, provided it links back to the MBAA Awards site. It is not licensed for any other use. Unlicensed use constitutes breach of this license. We’ve licensed The MBAA Awards logos under a Creative Commons Attribution-NonCommercial-NoDerivs 2.5 License.The following additional terms apply to the Creative Commons license:

Attribution entails a link to The 2008 MBAA Awards site (http://mbaa2008.mmblogpress.com/) or any individual pages within The MBAA Awards site.

ပေးစာ (၁)

မိတ်ဆွေတို့ ခင်ဗျာ။

ကျနော် ×××××× ပါ။ ဘလော့မှာ စာတချို့ ရေးနေသူပါ။

၂။ မြန်မာဘလော့ကောင်းများ ကို ရွေးချယ်သတ်မှတ်ခြင်းမှာ ပူဇာစ ပူဇနေယျာနံဖြစ်၍ ဝမ်းမြောက်စွာ ကြိုဆိုပါသည်။

၁။ မည့်သူရေးရေး မည့်သည့်အကြောင်းရေးရေး စာရေးခြင်းသည် ခေတ်မီသော လူမျိုး၏ ပြယုဂ်ဖြစ်ပါသည်။ မြန်မာဘလော့များ ပေါ်ထွန်းလာခြင်းကို ခြွင်းချက်အနည်းအကျဉ်း ရှိလင့်ကစား ကြိုဆိုသင့်  သောဖက်မှ ရပ်တည်ပါသည်။

၃။ ယခုတလော တွေ့ နေရသည်မှာ နီးစပ်ရာဘလော့များကို အရွေးစာရင်းတင်၍ လက်သင့်ရာစားတော်ခေါ်သည့်သဘော သက်ရောက် စေနိုင်သည့် ချို့ ယွင်းချက်များစွာကို တွေ့ နေရပါသည်။ ပမာဆိုရလျှင် နေ့ စဉ်ဘလော့များစွာနှင့် ရင်းနှီးနေသော သူပင်တရံတဆစ်မျှ မကြားဘူးသော ဘလော့တို့ အရွေးခံစာရင်းတွင်ပါဝင်ပြီး အမှန် ပါဝင်သင့် ကြောင်း လွယ်လင့်တကူ သိနိုင်သည့် ဘလော့တို မပါဝင်ကြောင်း တွေ့ ရပါသည်။အရွေးခံချင်လျှင် လှမ်းပြောပါ ဆိုသည့် အချက်သည် အစွန်းမလွတ်ပါ။

၎။ ယခုရွေးချယ်ပွဲကို ကမကထ ပြုလုပ်သူများအနေဖြင့် ကောင်းမြတ်သော ရည်ရွယ်ချက်ဖြင့် စေတနာသက်သက်လုပ်ဆောင်ချက်ဖြစ်ကြောင်း ခြွင်းချက်မရှိ ယုံကြည်လို ပါသည်။ထို့  အတွက်ပြင်ဆင်ဖွယ်ရာများကို ဖင့်နှေးတုန့် ဆိုင်းခြင်းကင်းစွာ လုပ်ဆောင်နေမည်ဟုလည်း အယုံအကြည်ရှိလို ပါသည်။

၅။ မြန်မာ့ဘလော့ဂါစာရင်း အပြည့်အစုံကို ရရှိရန် အလွန်ခဲယဉ်းသော အလုပ်မဟုတ်ပါ။ ကမကထ ပြုသူများ၏ နည်းပညာကျွမ်းကျင်မှုကို ဘလော့စီစဉ်ပုံနှင့် အပြင်အဆင် ကို ကြည့်ရုံမျှဖြင့် သိသာပေါ်လွင်လျှက်ရှိပါသည်။

၆။ ဖြစ်သင့်သည်မှာ အချိန်ယူစာရင်းပြုစု၍ တပြိုင်တည်း တာလွှတ်နိုင်ရန်သည် ဒိုင်၏ အဓိကတာဝန်ဖြစ်ပါသည်။

၇။ မည်သို့ ပင်ဖြစ်စေ မိတ်ဆွေဟူသည် လောကမှ လွတ်မြောက်ကြောင်းအထိ အသုံးတည့်သည် ဟူသော စကားနှင့်အညီ မိတ်ဆွေတို့ အား လေးစားကျေးဇူးတင်လျက် မိတ်ဝတ်မပျက် စိတ် အစဉ်တွင် ရှိနေပါမည်။

စာရေးရခြင်း ဦးတည်ချက်ကို လမ်းမလွှဲစေရန် နိဂုံးအနေဖြင့် ပြောလိုပါသည်။

နဂိုမူလကမှ အစုအစည်း အားနည်းသည့် မြန်မာ့အသိုင်းအဝိုင်းတွင် ၊နလံမထူနိုင်အောင် သိက္ခာမဲ့နေသော မြန်မာပြည်ကြီး ခေတ်ဆိုးခေတ်ကျပ် ရောက်နေချိန်တွင်

“မိမိဘလော့ အရွေးခံစာရင်းတွင်မပါ၍ လုပ်သမျှ အပြစ်ဆိုလိုသည့် သဘော “မသက်ရောက် စေလိုကြောင်း အလေးအနက် ဖော်ပြပါသည်။

“အကယ်တန္တု ကိုယ့်အုပ်စု အတွက် ကိုယ်လုပ်သည် “ဆိုလျှင်မူ ဤစာကို ကြိုတင်ရုပ်သိမ်းလိုပါသည်။
္တ
ခင်မင်လေးစားမှုများဖြင့်

××××××××××

ပြန်စာ

ဦး×××××× ခင်ဗျာ..

အခုလို စာရေး အကြံပေးတဲ့အတွက် များစွာ ဝမ်းမြောက်ရပါတယ်။ ကျွန်တော် တို့ ကြိုးစားနေပါတယ်. အားလုံး လက်ခံနိုင်မယ့် အကောင်းဆုံး အခြေအနေ တစ်ခုကို ဖတ် တီးနိုင်အောင်ပါ။ လောလောဆယ် မှာ အမြန်ဆုံးလုပ်လိုက်ရတဲ့ အတွက် လောသလို ဖြစ်သွားတာကို ဝန်ခံ ပါတယ်။ အဲလိုဖြစ်သွားရတဲ့ အကြောင်းရင်းကို လည်း အကို သိပြီးမှာပါ။ ကျွန်တော် တို့ အဲတာတွေ အတွက် အကောင်းဆုံး ဖြစ်အောင် တိုင်ပင် နေပါတယ်။ ဆိုလိုတာက အခုလို ဝန်းလုပ် ကူညီနေသူုတတွေ အားလုံးမစုံသေးလို့ အချိန် အတိုင်းတခု ဆိုလိုတာက နာရီပိုင်း တခုကိုစောင့်နေတာ။ စီစဉ်သူ တွေ တချို့က ၂ ရက်ရှိပြီ လုံးဝ မအိပ်ဘဲ လုံးပန်းနေရတာ နဲ့ မအိပ် ရသေးသူရှိသလို၊ လွန်ခဲ့တဲ့ တနာရီက မှ အိပ်သွားတဲ့သူလဲ ရှိနေလို့ပါ။ နောက် ၂ နာရီလောက် ဆို သူကိုပါ နိုးပြီး အားလုံး တိုင်ပင် ဆုံးဖြတ် ချက်တခု အမြန်ဆုံး ချသွားမှာပါ။

လောလောဆယ် မှာတော့

(၁) အကိုပြောထားတဲ့အချက်တွေ ကို သဘောတူပါတယ်။

(၂) ကျွန်တော် တို့တွေ အဲလို ဆွေးနွေးထားတာတွေရှိပါတယ်။ ဘယ်လိုလုပ်နိုင်မလဲ ဆိုတာပါ။

လုပ်နိုင်တာ ၂ ခုတော့ ယာယီ ဆွေးနွေူးထားတာတွေမှာက

(က) လက်ရှိမဲဆန္ဒတွေ ပယ်ဖျတ်ပြီး၊ ၂၀၀၉ ခုဇန်နဝါရီ လ ၁ ရက်နေ့မှ စဖို့

(ခ) မဲပေးတဲ့ရက် ကို တိုးမြှင့် ပေးဖို့ ဆွေးနွေူးထားပါတယ်။

အဲထဲက တခုခုတော့ ဖြစ်လာမှာပါ။ ဒ့ါပေမယ့် လူမစုံသေး တဲ့အတွက် ရှိတဲ့သူ ၃ ၄ ယောက်နဲ့ မလုပ်ဘဲ လူစုံအောင် အချိန်လေးတခု စောင့် ပြီး အများရဲ့ သဘောထားနဲ့ လုပ်ဖို့ စောင့်နေတာပါ။

အဲလောက်ဆို အကို အနေနဲ့ နားလည်ပေးနိုင်မယ်ထင်ပါတယ်။ နောက်တခုက ကြိုတင်တောင်ပန်ချင်တာက အခုစာမှာ အမှားအယွင်းပါခဲ့ရင်၊ စာလုံးပေါင်းကအစ ပါခဲ့ ရင် ကြိုတင်တောင်းပန်ပါတယ်။ ကျွန်တော် အမြန်ရေးလိုက်တာပါ။ စာပြန်မှာနောက်ကျမှာစိုးလို့ ကောင်းဆုံးဖြစ်အောင် အမြန်ဆုံးပြန်လိုက်တာပါ။

အခြေအနေအားလုံးကို နားလည်ပေးပါလို့ mmBlogPress Team ကိုယ်စား ကြိုတင်ပြောပါ့ရစေ..

အကြံညာဏ်ပေးတဲ့ အတွက် ကျေးဇူးတင်လျှက်

mmblogpress Team

____________________________________________________________

ပေးစာ (၂)

လူကြီးမင်းများခင်ဗျား

မသိလို့ တစ်ခု မေးလိုပါသည်။

မြန်မာစာပေဘလော့ဂ်ဆုတွင် စာရင်းပါဝင်သော ဘလော့ဂ် ၆ ခုလုံးအား ကျွန်တော် အတော်အသင့် လည်ပတ်ပြီးပါပြီ။ သို့သော် မရှင်းလင်းသည်များ ရှိလာပါ၍ မေးမြန်းအပ်ပါသည်။ ကျေးဇူးပြု၍ အချိန်ရလျှင် ရချင်း ဖြေပေးစေလိုပါသည်။
တစ်ချက်ပြုံးလျှင် … ဆိုတဲ့ ကိုရင်ညိန်း၏ ဘလော့ဂ်အား ဝင်ရောက်လည်ပတ်ကြည့်ရာ မြန်မာစာပေနှင့် ပတ်သက်တော့ တင်ပြမှု တစ်စုံတစ်ရာမျှ မတွေ့ရှိပါ၍ အဘယ်အကြောင်းကြောင့် မြန်မာစာပေ ဘလော့ဂ် ခေါင်းစဉ်အောက်တွင် သွတ်သွင်းထားကြောင်း သိပါရစေ။
ထို့အကြောင့် ဖွဲ့တည်ရာ အွန်လိုင်း မဂ္ဂဇင်းသည်လည်း သုတသေသန၊ သုတ၊ ရသ ဦးစားပေး မဂ္ဂဇင်း ဖြစ်ကြောင်း တွေ့ရသော်လည်း မြန်မာစာပေနှင့် ပတ်သက်သော တင်ပြမှု မရှိဘဲ မြန်မာလူမျိုး၊ မြန်မာယဉ်ကျေးမှု ဆိုင်ရာ ဆောင်းပါးများသာ တွေ့ရပါသည်။ ထို ဘလော့ဂ်အား ထိုခေါင်းစဉ်အောက် ထည့်သွင်းထားခြင်းကိုလည်း နားမရှင်းပါခင်ဗျာ။
E Journal နှင့် စမ်းချောင်းဂျာနယ်များသည်လည်း ကျွန်တော် ဝင်ရောက်မွှေနှောက် ကြည့်သလောက် ထိုခေါင်းစဉ်နှင့် လားလားမျှ မသက်ဆိုင်ကြောင်း တွေ့ရပါသည်။
မSowha1 ဘလော့ဂ်မှာမူ မြန်မာစာလုံးပေါင်း နှင့် ပတ်သက်သော ပို့စ်များ တွေ့ရှိရသဖြင့် ထိုခေါင်းစဉ်နှင့် သင့်တင့်လျောက်ပတ်ကြောင့် တွေ့ရပါသည်။ ထို့အတူ ကိုပီကေ ဘလော့ဂ်တွင်လည်း မြန်မာစာပေဆိုင်ရာ ပို့စ် ၂၀ ကျော် တွေ့ရှိရ၍ လျော်ညီကြောင်းပါ။

အဘယ်အကြောင်းကြောင့် အထက်ပါ ဘလော့ဂ် (၄) ခုအား မြန်မာစာပေ ဘလော့ဂ်တွင် ထည့်သွင်းထားကြောင်း ရှင်းပြပေးစေလိုပါသည်။ ကျွန်တော်နှင့် အမြင်မတူသည်ဖြစ်၍ အလွန်တရာမှ သိလိုပါသည် ခင်ဗျား။

ထို့နောက် ကဗျာ ဟူသည် ရသစာပေ အမျိုးအစား ဖြစ်ပါလျက် ကဗျာဘလော့ဂ်၊ ရသစာပေဘလော့ဂ်ဟူ၍ နှစ်ခု ခွဲခြမ်းထားခြင်းမှာ အမြင်မတော်ဟု ထင်ပါသည်။ ဖြစ်သင့်သည်မှာ
ရသစာပေ - ကဗျာ ဘလော့ဂ်
ရသစာပေ - ဝတ္ထုတို ဘလော့ဂ်
ရသစာပေ - ဆောင်းပါး ဘလော့ဂ် ဟူ၍ လည်းကောင်း
သုတစာပေ - နည်းပညာ ဘလော့ဂ်
သုတစာပေ - ဘာသာရေး ဘလော့ဂ် …. စသဖြင့် ဖြစ်သင့်ကြောင်း ကျွန်တော်အမြင်အား တင်ပြလိုက်ရပါသည်။

လေးစားစွာဖြင့်

———-

ပြန်စာ

ကို×××××× ခင်ဗျား

ကျွန်တော်တို့၏ စီစဉ်ထားရှိမှုနှင့် MBAA 2008 Award Programme အပေါ် စိတ်ဝင်တစ်စားနှင့် အကြံပေး ဆွေးနွေးမှုများ ပြုလုပ်သည့် အတွက် ကျွန်တော်တို့ MM Blog Press Team မှ အထူးပင် ကျေးဇူးဥပကာရ တင်ရှိပါကြောင်း ဦးစွာ ပြောကြားလိုပါတယ်ခင်ဗျာ။

အထူးသဖြင့် ကျွန်တော် တို့ ဆွေးနွေးလိုသည်မှာ ကျွန်တော် တို့ အနေဖြင့် ယခု ဆုပေးပွဲ လုပ်ရန် အတွက် စလျင်စချင်း အနေဖြင့်ပင် ကျွန်တော် တို့ ရင်ဆိုင်ရသည့် ပြဿနာမှာ အချိန်မလုံလောက်မှု ဆိုသော ပြဿနာပင်ဖြစ်ပါသည်။ ကျွန်တော်တို့သည်လည်း ကျောင်းတစ်ပိုင်း၊ အလုပ်တစ်ပိုင်း၊ ဘလော့ရေးခြင်း တစ်ပိုင်းနှင့် ကိုယ်ပိုင် အလုပ်များနှင့် ရှုပ်ရှက်ခတ်နေသည့်ကြားမှ ထိုပွဲအား စ စီစဉ်ရန် အတွက် အချိန်ကို ကြည့်လိုက်မိချိန်တွင် အတော်ပင် နောက်ကျနေပြီဆိုသည်ကို သတိထားမိခဲ့ကြပါသည်။ အဘယ့်ကြောင်း ဆိုသော် ၂၀၀၈ ခုနှစ် အတွက် အကောင်းဆုံး မြန်မာ ဘလော့ဂ်များ ဟု အမည်စတပ်ကတည်းကပင် ကျွန်တော် တို့ ဆုပေးပွဲ စတင်ရန် ကြံစည်ချိန်မှ စရေတွက်သော် ၂၀၀၈ ကုန်ရန် အတွက် ၆ ရက်မျှသာ အချိန်ကျန်တော့ကြောင်းနှင့် ဟိုဘက် ၂၀၀၉ ခုနှစ်ထဲသို့ လနှင့်ချီဝင်ပြီးမှ ၂၀၀၈ အတွက် အကောင်းဆုံး ဘလော့ဂ် ဆိုသည်ကိုလည်း ပေးရန် မသင့်ကြောင်း ကျွန်တော် တို့အားလုံး သဘောတူ ညှိနိုင်းခဲ့ကြပါသည်။

ကျွန်တော် တို့ အနေဖြင့် ဆိုဒ်အပြင်ဆင် စီစဉ်ခြင်း၊ ဘလော့ဂ် အမျိုးအစားခွဲခြားခြင်းနှင့် ဆုအမျိုးအစားခွဲခြားခြင်း လုပ်ငန်းများအား အချိန်တိုအတွင်း တက်သုတ်ရိုက် စီစဉ်ခဲ့ကြရပါသည်။ ဤ နေရာတွင် ကျွန်တော် တို့ စီစဉ်ဆောင်ရွက်ရသည့် အပိုင်းများအားလုံး အနေဖြင့် စာပေဆိုင်ရာ အယူအဆများ အားလုံး ပါဝင်သည့် နည်းတူ၊ ထိုအရာများအားလုံးကိုလည်း နည်းပညာ ဖြင့် ဟန်ချက်ညီအောင် ပေါင်းစပ်ပေးနိုင်ရန် လိုသည်ကို သတိမူခဲ့ကြပါ၏။ သို့အတွက် အင်တာနက်ပေါ်တွင် ရှိပြီးဖြစ်သည့် နိုင်ငံတစ်ကာရှိ ဘလော့်ဂါများ၊ သတင်းဆိုဒ်များ စသည့်.. ဝဘ်ဆိုဒ် အမျိုးမျိုးတို့အား စာဖတ်သူတို့ စိတ်ကြိုက် ဆန္ဒမဲများဖြင့် သတ်မှတ်ပြီး နှစ်စဉ် ဆုပေးနေသော ဝဘ်ဆိုဒ်အမျိုးအစားပေါင်း ၁၀ ခုကျော်အား လေ့လာကြည့်ရှုခဲ့ကြပါသည်။ ထို့နောက် ထို့ဆိုဒ်များအားလုံး တို့ထံမှ မိမိတို့ နှင့် အသင့်လျော်ဆုံးဖြစ်မည့် နည်းစနစ် နှင့် အကြံဥာဏ်များအား ရယူအသုံးပြုရန် အားလုံးပင် သဘောတူခဲ့ကြပါသည်။

ထိုဆုံးဖြတ်ချက်အရ ကျွန်တော်တို့ မြန်မာ ဘလော့ဂ်များအား အမျိုးအစားခွဲရန်အတွက် စတင်ရှာဖွေ ကြိုးစားချိန်မှာပင် ပြဿနာ အကြီးကျယ် တက်လာသည်ကို ကျွန်တော်တို့ စ တွေ့ရပါတော့သည်။ များသောအားဖြင့် မြန်မာဘလော့ဂ်များအနေဖြင့် စာပေအမျိုးအစား တစ်ခုတည်းအား သတ်သတ်မှတ်မှတ် ရေးနေကြသည့် ပုံစံ လုံးဝ မရှိသေးသည်ကို တွေ့ရပါသည်။ အဓိကအားဖြင့် မြန်မာ ဘလော်ဂါများ ရေးသားနေကြသည့် ပုံစံမှာ ဒိုင်ယာယီ ၏ အခြေခံသဘောသဘာဝ ပုံစံ. မိမိတစ်နေ့တာ ကြုံတွေ့ရသည်များကို စာဖတ်သူ ဖတ်ကောင်းအောင် ရေးသားသည့် ပုံစံများက အများဆုံး ဖြစ်နေသည်ကိုတွေ့ရပါသည်။ ထိုအထဲမှ အချို့ ဘလော်ဂါများ အနေဖြင့်လည်း မိမိဝါသနာပါရာ ဘာသာပြန်၊ ဟာသ၊ နည်းပညာ စသဖြင့် ပို့စ်များကို ကြိုကြားကြိုကြား ကြားညှပ် ရေးရင်း၊ ဟင်းချက်နည်း၊ မွေးနေ့ပွဲ များနှင့် တစ်ခါတစ်ရံလည်း တဂ် (Tag) ဆိုသော ဘလော့ဂ် ရေးသူ အချင်းချင်း စိတ်ဝင်စားရာ ခေါင်းစဉ် တစ်ခုပေး၊ မည်သည့် စာပေ အမျိုးအစားအောက် ကိုထည့်သွင်းရမှန်း မသိသည့် ဘလော့ဂင်း ဆိုသည့် ဘလော့ဂ် ပေါ်တွင်သာ တွေ့ရသည့် စာပေအမျိုးအစားများကို လည်း တွေ့ရပါသည်။

ဘလော့ဂ် ရေးသူ ဘလော်ဂါများအနေဖြင့်လည်း ပရိုဖက်ရှင်နယ် စာပေရေးသားသူများ မဟုတ်ကြပဲ အပျော်တမ်းနှင့် မိမိ၏ ဝါသနာကို မှတ်တမ်းသဘောမျိုး၊ မိမိသိသည်ကို မျှဝေလိုသည့် ဆန္ဒအရင်းခံပြီး စာရေးသည့်သူ အမျိုးအစားများသာ ဖြစ်ကြသဖြင့် ထိုအရာများ အားလုံးတို့အတွက် စာရေးဘလော့ဂ် ရေးသူ၊ ဘလော်ဂါများကိုလည်း အပြစ်တင်ရန် မရှိသည်ကို ကျွန်တော် တို့အားလုံး သဘောပေါက်မိကြပါသည်။ အဘယ့်ကြောင့် ဆိုသော် ကျွန်တော် တို့ ကိုယ်၌ပင် ဘလော်ဂါများ တစ်ပိုင်းဖြစ်ကြပြီး တစ်ခါတစ်ရံတွင် မိမိရေးလိုက်သော စာအမျိုးအစားကို မည့်သည့် ကဏ္ဍအောက်တွင် ထည့်သွင်းရမည် မသိသော ပြဿနာများကို နေ့တဓူဝ ကြုံတွေ့ခဲ့ကြဖူး၍ ဖြစ်ပါသည်။

(၁) ထိုတွေ့ကြုံရသော ဘလော့ဂ်နှင့် အင်တာနက် ဆိုင်ရာ အသိအမြင်များအရ ကျွန်တော်တို့ အဖွဲ့ အနေဖြင့် ဘလော့ဂ်များအား သရုပ်သဏ္ဍာန် ခွဲခြားရန် အတွက် ပြင်ပတွင် ရှိသော Press Media ဟုခေါ်သည့် ပုံနှိပ်စာပေနယ်ပယ်မှ သတ်မှတ်ချက်၊ ဥပဒေသများအားလုံးအတိုင်း အတိအကျကို လိုက်လံခွဲခြားခြင်း နည်းဖြင့် အသုံးပြုခွဲခြားနိုင်မည်မဟုတ်ပဲ Blog Media Press ဘလော့ဂ်ဂင်း မီဒီယာ၏ လက်ရှိ အနေထားနှင့် ဥပဒေသ ပုံစံအရ ယေဘူယျ အရောင်ကဲသဖြင့် ခွဲခြားသည့် နည်းကို သုံးရန် ဆုံးဖြတ်ခဲ့ကြပါသည်။ ဥပမာ အနေဖြင့် ဘလော့ဂ်တစ်ခုတွင် ပို့စ်ပေါင်း ၁၀၀ အနက်၊ ကိုယ်ရေးကိုယ်တာ၊ ဒိုင်ယာယီ ဆန်ဆန် ရေးထားသော ပို့စ်များ၊ တဂ် ထားသောပို့စ်များ၊ ထမင်းဟင်း ချက်နည်းနှင့် မွေးနေ့ ဆုတောင်းများမပါ ကဗျာ အပုဒ်ပေါင်း ၃၊၄ဝ ခန့်တွေ့သည် ဆိုလျင်ပင် ထိုဘလော့ဂ်အား ကဗျာ ကဏ္ဍအောက်သို့ ထည့်သွင်းရန် စည်းမျဉ်းသတ်မှတ်ခဲ့ကြပါသည်။ (ထိုသို့ပြောသဖြင့် ကျွန်တော်တို့ ဘလော့ဂ် တစ်ခုချင်းစီ အလိုက် Analysis လိုက်လုပ်ကြည့်နိုင်ကြမည် ဟု မထင်မှတ်စေလိုပါ။. ဘလော့ဂ် တိုင်းတွင် သူရေးသော စာများအား ကဏ္ဍ အလိုက် ပို့စ် အရေအတွက်ခွဲထားခြင်းများ ရှိသဖြင့် ထိုအရ ကြည့်ရှုကာ ကျွန်တော်တို့ ဆုံးဖြတ်ပါသည်။ )

(၂) နောက် ကိုပုညထောက်ပြသော အချက်ဖြစ်သည့် မြန်မာစာပေဘလော့ဂ်များ ဆိုရာတွင် မြန်မာစာပေသက်သက်ကို တင်ပြရေးသားနေသော ဆိုဒ်များဟု မဆိုလိုပါ။ စာပေပုံသဏ္ဍန် အဟောင်းအသစ်များဖြင့် တင်ပြပေးနိုင်ခြင်း၊ ဘာသာစကားဆိုင်ရာ ထူးခြားသော ချဉ်းကပ်မှုရှိခြင်းတို့ကို ကြည့်ပါသည်။ ဥပမာ - ကိုရင်ညိန်း၏ မေတ္တာစာ ရေးဖွဲ့မှုကို ကြည့်ပါ။ ထိုပုံစံမျိုး ရေးနိုင်သော ဘလော်ဂါ မတွေ့သေးပါ။ သို့ အတွက် ကျွန်တော်တို့ စတင်ကြံစည်သော စိတ်ကူး ဖြစ်သည့် ပေးမည့် ဆုများ အတွက် ကဏ္ဍစုံ၊ ဘလော့ဂ် စုံ တတ်နိုင်သမျှ ပါနိုင်ရေး မူအရ အထက်ပါ ဘလော့ဂ် အမျိုးအစားလောက်ကိုမျှ ထိုကဏ္ဍ အောက် မထည့်သွင်းလျင် အဆိုပါ ကဏ္ဍ တွင် ဘလော့ဂ်၏ အရေအတွက်နည်းခြင်း၊ မပြည့်စုံခြင်းနှင့် ဘလော့ဂ် ၁ ခု၊ ၂ ခုသာဖြစ်နေခြင်း ဆိုသော အချက်အရ ပြိုင်ပွဲ ပုံစံ မမြောက်မည့် အခြေအနေကိုလည်း ရှောင်ရှားရန် ထိုသို့ ထည့်သွင်းရခြင်း ဖြစ်ပါသည်။

(၃) သို့သော် e-Journal ကို ထိုစာရင်းထဲ ထည့်ခြင်းအတွက်မူ အမှန်တစ်ကယ်အားဖြင့် မသင့်တော်ကြောင်း တွေ့ရပါသည်။ သို့ရာတွင် ဘလော့ဂ်ပိုင်ရှင် ကိုယ်တိုင် ကပင် မြန်မာစာပေ အောက်၌ ထည့်သွင်းပေးရန် တောင်းဆိုသောကြောင့် ထည့်သွင်းပေး ထားခြင်းသာ ဖြစ်ပါသည်။ ထိုသို့ပြောဆိုသဖြင့် ကျွန်တော်တို့ အနေဖြင့် ဘလော့ဂ်ရေးသူက ပေးချင်သည့် ဘလော့ဂ်ကို ထည့်စေချင်သော ကဏ္ဍအောက်မှာ ထည့်သွင်းပေးရန် တောင်းဆိုရုံမျှဖြင့် အခြေအနေအားလုံး အတွက် ထည့်သွင်း လုပ်ဆောင်ပေးနေသည်ဟု မဆိုလိုပါ။ ထိုအခြေအနေအတွက် ကျွန်တော်တို့ ရည်ရွယ်သည်မှာ ကျွန်တော်တို့ ပြိုင်ပွဲသည် ဝင်ပြိုင်သူ စိတ်ကြိုက်လည်း ပြိုင်နိုင်သည့် ပြိုင်ပွဲ ဖြစ်ကြောင်း အသိပေးလိုရင်း သာဖြစ်ပြီး ထိုသူ၏ ဆန္ဒနှင့် ကျွန်တော်တို့ သတ်မှတ်ချက်များ အလွန်အမင်းဆန့်ကျင်မနေပဲ ကွာဟချက် ကြီးကြီးမားမား ရှိမနေလျင် ခွင့်ပြုပေးခြင်း ဟုသော အနေအထားတစ်ရပ်သာ ဖြစ်ပါသည်။ ဥပမာ ဆိုရလျင် မီတာ ၁၀၀ ပြိုင်ပွဲပြေးနေကျ အပြေးသမားတစ်ဦးကို သူ၏ ဆန္ဒအရ မီတာ ၄၀၀ ပြိုင်ပွဲ ဝင်ချင်လျင်လည်း ခွင့်ပြုသည့် သဘောမျိုးဖြစ်ပါသည်။

(၄) နောက်ဆုံး ကိုပုည၏ ထောက်ပြပြောဆိုချက်ဖြစ်သည့် ရသ၊ သုတ နှင့် နည်းပညာ ဘလော့ဂ်များ ခွဲခြားထားပုံ နှင့် ပတ်သက်၍ ကျွန်တော်တို့ ရှင်းလင်းလိုသည်မှာ ထိုအရာများ အားလုံးကို ကျွန်တော်တို့ ၏ နည်းပညာ ဆိုင်ရာ လိုအပ်မှု တစ်ခုဟုပင် ပြောဆိုရပါမည်။ ဆိုလိုသည်မှာ ကျွန်တော်တို့ မူလကတည်းက ကိုပုညပြော ဆိုသော အဆင့် (၁) ဘလော့ဂ်များအား အထွေထွေပုံစံခွဲခြားခြင်းဖြင့် ဦးစွာ ခွဲခြားရေး (၂) ပြီးနောက် အထွေထွေ ပုံစံမှသည့် အသေးစိတ် ပုံစံ ကဏ္ဍ ခွဲခြားရေး ဖြင့် သတ်မှတ်ထားရှိမည်ဟု ဆုံးဖြတ်ခဲ့ကြပြီး ဖြစ်သော်လည်း အကယ်၍ ထိုအဆင့်များအတိုင်း ကျွန်တော်တို့ ကဏ္ဍ ခွဲခြားပြသထားမည် ဆိုလျင် ကျွန်တော်တို့ ၏ ပြိုင်ပွဲ ဆိုဒ်သို့ လာရောက် လည်ပတ်သူများ အနေဖြင့် မိမိသွားလိုရာနေရာကို သွားလာရာတွင် တစ်ဆင့်ပြီးတစ်ဆင့်သွားရမည့် ပုံစံ ဖြစ်သွားမည်ဖြစ်ပြီး အချို့ မသိနားမလည်သူများ အနေဖြင့်လည်း ထိုကဏ္ဍ သုံးခုသာ ခွဲခြားထားသည် ဟု အထင်မှားဖွယ် ဖြစ်လာနိုင်သည့် အရေးကို တွေးတောမိကြပါသည်။

ရှင်းလင်းရမည် ဆိုလျင် ယခု ကိုပုည မြင်တွေ့နေရသော ပုံစံဖြစ်သည့် ကဏ္ဍအလိုက် မဲပေးရန် ဆိုသည့် အောက်တွင် ကျွန်တော်တို့၏ ပထမဆုံးဖြတ်ချက်နှင့် ကိုပုည အကြံပေးချက် အတိုင်း ကဏ္ဍ သုံးခုအား ဦးစွာ ခွဲလိုက်မည် ဆိုပါက စာဖတ်သူများ အနေဖြင့် ကဏ္ဍ ကြီး သုံးခုကိုသာ ဦးစွာ တွေ့မြင်ကြရမည် ဖြစ်ပြီး ကဏ္ဍ ငယ်များအား သွားရန်အတွက် ထို ကဏ္ဍ ကြီးသုံးခုကို ဦးစွာ ကလစ်ရပါမည်။ ထိုနောက်မှ အတွင်းထဲမှ ကဏ္ဍ ငယ်များကို တွေ့ရမည် ဖြစ်ပြီး ထိုကဏ္ဍငယ် တစ်ခုစီအောက်ရှိ ပါဝင်သော ဘလော့ဂ်များကို ကြည့်ရှုရန် အတွက် တစ်ဖန် နောက် တစ်ဆင့် ထပ်သွားရပါမည်။

ကျွန်တော်တို့ အနေဖြင့် စာဖတ်သူများအား ပိုမိုလွယ်ကူသော နည်းစနစ်နှင့် User Friendly ဖြစ်ခြင်းဟူသော အခြေအနေတစ်ရပ်ကိုသာ ပေးလိုခြင်း၊ မလိုအပ်ပဲ အချိန်ကုန်မှုမှ သက်သာစေခြင်း (ကျွန်တော်တို့ ဆိုဒ်တွင်လည်း ရုပ်ပုံများစွာကို ထည့်သွင်းထားရမှု အရ အဆင့်တစ်ဆင့် နှင့် တစ်ဆင့် အကူးအပြောင်းတွင် အတန်ကြာ စောင့်ရလေ့ရှိပါသည်) စသည့် အကျိုးကျေးဇူးများကို ရရှိစေလိုခြင်း. ရည်ရွယ်ချက်များဖြင့် ကဏ္ဍ ကြီးများ မခွဲတော့ပဲ ကဏ္ဍငယ်များအားသာ တစ်ပါတည်း တိုက်ရိုက်ခွဲပြီး ကလစ် (Click) အနည်းဆုံးဖြင့် မိမိသွားလိုရာ ရောက်ရေး၊ မဲပေးရမည့် ကဏ္ဍများကို အလွယ်တစ်ကူ သိမြင်နိုင်ရေး ဆိုသော ရည်ရွယ်ချက်သို့သာ ဦးတည်ခဲ့ကြပါသည်။

မည်သို့ပင်ဖြစ်စေ. ကိုပုည ထောက်ပြသော အမျိုအစားခွဲခြားမှုများမှာ အတော်ပင် ပြည့်စုံကောင်းမွန်ပြီး ငြင်းပယ်ဖွယ် မရှိသည်ကိုလည်း ကျွန်တော်တို့ လက်ခံပြီး ဖြစ်ပါသည်။ MM Blog Press Team အနေဖြင့် နောင်လာမည့် နှစ်များတွင် ကျွမ်းကျင်သော အသိပညာရှင် အတတ်ပညာရှင်များ၊ အခြားအခြားသော စာပေဆိုင်ရာ၊ ဘလော့ဂ်နည်းပညာ ဆိုင်ရာ ကျွမ်းကျင်ပိုင်နိုင်သူများ အား ဖိတ်ခေါ်၍ ဆွေးနွေး တိုင်ပင် ညှိနိုင်းကာ ဘလောဂ့်များအား သရုပ်သဏ္ဍာန် ခွဲခြားခြင်းကို ဖြစ်နိုင်သမျှ အကောင်းဆုံးဖြစ်အောင် လေ့လာမှုပြုပြီး အသေးစိတ် ကြည့်ရှု ဆွေးနွေး ထည့်သွင်းစဉ်းစားသွားကြပါလိမ့်မည်။

ခြုံငုံပြောဆိုလိုသည်မှာ MM BLog Press ၏ MBAA 2008 Award Programme ကို စီစဉ်ရာတွင် တိုတောင်းသော အချိန်အတွင်း အချိန်မှီ ပြင်ဆင်ခဲ့ ရခြင်း ကြောင့် လစ်ဟာမှုများစွာရှိခဲ့ သော်လည်း ကျွန်တော်တို့၏ စီစဉ်မှုများအပေါ်တွင် လူအများနှင့် တစ်ကွ အဖွဲ့ဝင်များ၏ အချင်းချင်း သုံးသပ်ဝေဖန်မှုများ၊ အင်တာနက် နှင့် ဘလော့ဂ် ဆိုင်ရာ၊ စာပေဆိုင်ရာ အယူအဆများနှင့် အတူ ထိုကဲ့သို့… ထိုကဲ့သို့ စီစဉ်ဆောင်ရွက်ခဲ့ကြခြင်း ဖြစ်ကြောင်း အထက်ပါ အချက်များနှင့် အတူ အသိပေး အကြောင်းကြား၊ အဖြေပေးလိုက်ရပြီး၊ နောက်များတွင်လည်း ယခုလိုပင် လိုအပ်ချက်များ အမြင်မတော်သည်များ ရှိပါကလည်း အကြံပေးဝေဖန်၊ ထောက်ပြဆွေးနွေးခြင်းများ ပြုလုပ်ပါမည့် အကြောင်း လေးစားစွာ အသိပေးလိုက်ရပါကြောင်း ကိုပုညခင်ဗျား။

ကျေးဇူးတင်ပါသည်ခင်ဗျား။

လေးစားလျှက်

MM Blog Press

______________________________________________________

ပေးစာ (၃)

ကျနော်က

blog တခုကို ပြိုင်ပွဲဝင်စေချင်လို့ပါ။ အဲ့ဒီ blog က myanmarisp.com ပါ။ စာအုပ်ကောင်းတွေကို တင်ပေးထားလို့ ကျနော်က ကြိုက်တာပါ။
ဒီ blog ကို ( မြန်မာစာပေ) ခေါင်းစဉ်အောက်က ၀င်ပြိုင်စေချင်တာပါ။ အဲ့ဒါကြောင့် ဒီပြိုင်ပွဲထဲမှာ ထည့်စေချင်တာပါ၊

××××××
မင်နီဆိုးတားပြည်နယ်
အမေရိကန်ပြည်ထောင်စု

ပြန်စာ

ကို×××××ခင်ဗျား

ကျွန်တော်တို့ ပြိုင်ပွဲကို အခုလို စိတ်ဝင်တစ်စားနဲ့ အားပေးကူညီတဲ့ အတွက် ကျေးဇူး အထူးတင်ရှိပါသည် ခင်ဗျား။ အခု ကို×××××× အကြံပေးတဲ့ myanmarisp.com ကို ကျွန်တော်တို့လည်း ကောင်းစွာ သိကျွမ်းမှုရှိပြီး၊ ကျွန်တော်တို့ ကိုယ်တိုင်လည်း အဆိုပါ ဆိုဒ်၏ ပရိတ်သတ်များ တစ်စိတ်တစ်ပိုင်း ဖြစ်ကြပါသည်။ ပြဿနာမှာ ကျွန်တော်တို့ အနေဖြင့် မြန်မာအိုင်အက်စ်ပီ ဆိုဒ်အား ဝဘ်ဘလော့ဂ် တစ်ခု အဖြစ် သတ်မှတ်ရန် အခက်အခဲ ရှိနေခြင်းပင်ဖြစ်ပါသည် ကို×××××ခင်ဗျား။ ဆိုလိုသည်မှာ မြန်မာ ဝဘ်ဆိုဒ်ကြီးများ ဖြစ်ကြသော ဧရာဝတီ၊ မဇ္ဇျိမ နှင့် အခြား အလားသဏ္ဍာန်တူသော ဆိုဒ်ကြီးများ ကဲ့သို့ပင်ဖြစ်ပါသည်။ အဆိုပါ ဆိုဒ်ကြီးများကို ကျွန်တော် တို့ ပြိုင်ပွဲတွင်ထည့်သွင်းရန် မသင့်တော် သကဲ့သို့၊ ကျွန်တော်တို့ အနေဖြင့်လည်း ထည့်သွင်းခြင်း ပြုရန် ပင် မစဉ်းစားခဲ့ကြပါ။ ဆိုလိုသည်မှာ ကျွန်တော်တို့ ရဲ့ပြိုင်ပွဲသည် ဘလော်ဂါ ဆိုသော အထူးသဖြင့် တစ်ဦးချင်းအများစုနှင့် ဝါသနာရှင် ဟု သတ်မှတ်သင့်သော အမျိုးစား ဝဘ်ဆိုဒ်ငယ်များ ကိုသာ ပြိုင်ပွဲအတွင်းသို့ ထည့်သွင်း ကျင်းပခြင်းဖြစ်ပါသည်ခင်ဗျာ။

သို့ဖြစ်၍ ကို×××××× အကြံပေးသည့် မြန်မာ အိုင်အက်စ်ပီအား ပြိုင်ပွဲ အတွင်း ထည့်သွင်းရန် အခက်အခဲဖြစ်နေသည့် ကိစ္စနှင့်ပတ်သက်၍ ကျွန်တော်တို့အား နားလည်ပေးနိုင်လိမ့်မည် ဟု ယုံကြည်မိပါသည်ခင်ဗျား။

ကျေးဇူးတင်ပါသည်

လေးစားစွာဖြင့်

mmBlogPress Team

အချိန်း 23 Dec 08, 20:35

ကိုမင်းကျော်  သူ့ မိတ်ဆွေကြီး ကို အွန်လိုင်းတွင် အခန့်သား တွေ့ရပြီးသကာလ သူစိတ်ရှုပ်နေခဲ့ သော ကိစ္စအား ဆွေးနွေးပြောဆိုရန် အတွက် စ “ဟိုင်း” လိုက်ပါတော့၏။

kmk : ဟိုင်း ကိုယ့်လူ အလုပ်ရှုပ်နေလား။

yt : မရှုပ်ပါဘူးဗျာ။ နေကောင်းလားဗျို့။

kmk : ကောင်းတယ်ဗျ။  စိတ်ရှုပ်စရာ တွေ့နေလို့ အခုပဲ။

yt : ဘာတုန်းမသိ?

kmk : ဘလော်ဂါ ဆုပေးပွဲဆိုတာပါဗျာ။ ဒီမှာ ကြည့်ဗျို့။  http://cbox.ws/?n=1-915151-3626

Sent at 20:40 PM on Tuesday

yt : တွေ့တယ်ဗျို့.. ထားလိုက်ပါဗျာ. သူကလည်း ကိုမင်းကျော်ကို တိုက်ရိုက်ပြောတာတော့ မဟုတ်ပါဘူးဗျ။ တစ်ခြား ဆိုဒ်တွေမှာလည်း သူ လိုက်ပြောနေတာ တွေ့တယ်ဗျ။

kmk : အင်း. ဟုတ်တယ်ဗျ။ ကျွန်တော်လည်း အဓိက က သူ ကျွန်တော့်ကို ပြောတာ မပြောတာကို ပြောတာ မဟုတ်ပါဘူး။ သူ အော်ထားတဲ့ ဆုပေးမယ် ဆိုတဲ့ ဆိုဒ်ကို လည်းကျွန်တော်သွားကြည့်ပြီးသွားပြီဗျ။ နည်းနည်းတော့ အစီအစဉ်တွေ တစ်ချို့ ထပ်ထည့်ဖို့ လိုနေတာပေါ့ဗျာ။ သူလည်း အခက်အခဲ တွေ ရှိမှာပေါ့။ ဒါပေမယ့် ဘာပဲဖြစ်ဖြစ်လေ။ ကျွန်တော်တို့ အဲဒီလို ဆိုဒ်မျိုး တစ်ခုလုပ်မယ် ဆိုရင် မဖြစ်နိုင်လောက်ဘူးလားဗျ။ ? ကျွန်တော်တို့ တတ်နိုင်သမျှ ပြည့်ပြည့်စုံစုံနဲ့ လည်း ဖြစ်အောင် ပေါ့ဗျာ။

yt : ဟုတ်ကဲ့. ဖြစ်တော့ ဖြစ်မယ်လို့ ထင်တယ်ဗျ။ ကျွန်တော်တို့မလဲ ဆာဗာကြီး တစ်ခုလုံး ရှိနေတာပဲ။ ဒိုမိန်း တစ်ခုလောက်တော့ ခင်ဗျား ဝယ်ဖို့ လိုမယ် ထင်တယ်ဗျ။ နောက် တစ်ခြား ဘလော်ဂါ မိတ်ဆွေတွေကိုလည်း ထပ် ဖိတ်ခေါ်ဆွေးနွေးကြည့်ဖို့ လိုမယ်ဗျာ။  ဒါပေမယ့် ခက်တာက ကျွန်တော်တို့ ချည်းပဲ ဆိုရင်လည်း ကိုယ့်အချင်းချင်း ဆိုတော့ လေးစားပါ့မလားဗျ။ အဲဒါတစ်ခုတော့ ရှိမယ်ဗျ။

kmk : ကျွန်တော်လည်း အဲဒါပဲ တွေးနေတာဗျ။ ပြီးခဲ့တဲ့ တစ်လလောက်ကပဲ ဦးဇင်း တစ်ပါး နဲ့ အဲဒီ ကိစ္စဆွေးနွေးဖြစ်သေးတယ်။ သူကလည်း အရမ်းဖြစ်စေချင်တယ်….အဲဒီ လိုအစီအစဉ်တစ်ခုကို။ ပြီးတော့…လိုအပ်တဲ့ အကူအညီလည်း ပေးမယ်လို့ ပြောတယ်ဗျ။

yt : ဟုတ်. ကောင်းတာပေါ့ ကိုမင်းကျော်ရာ. အဲဒါလည်း.. ဝဘ်ဆိုဒ် တစ်ခုကတော့ အခုတင်၊ အခုရပါတယ်ဗျ။ ခက်တာက စနစ်တကျ ဖြစ်ဖို့ပဲ။ ၂၀၀၈ အတွက် ဆုပေးမယ် ဆိုရင်တော့ အချိန်ကလည်း ဘာမှ မရှိတော့ဘူးဗျ.. ကျွန်တော်တို့မှာက..

kmk : အဟုတ်ပဲဗျာ.. ရက်ကလည်း ကပ်နေပြီဆိုတာ့. နဲနဲ တော့ ဂွကျတယ်ဗျို့။ ကျွန်တော်တွေးမိတာ တစ်ခုက ကျွန်တော်တို့ ဆုပေးမယ့် အစီအစဉ်ထဲကို အဖွဲ့အစည်း တစ်ခုခုကိုပါ အကူအညီတောင်းကြည့်လိုက်ရင် မကောင်းဘူးလားဗျ။ သူတို့လည်း ကူညီနိုင်မယ် ဆိုရင်တော့ အဆင်ပြေနိုင်မယ်ဗျ။

yt : ကျွန်တော်တော့ အဲဒါနဲ့ ပတ်သက်လို့ သိသူ တစ်ဦးမှ မရှိဗျို့။

kmk : အဲဒီ အတွက်တော့ မပူပါနဲ့ဗျာ .. ကျွန်တော့်မှာ မိတ်ဆွေ တစ်ချို့တော့ ရှိပါတယ်။ သူတို့ကို အကူအညီ တောင်းကြည့်ရင်တော့ ရနိုင်ကောင်းမယ်ဗျ။ ခင်ဗျား မြန်မာသတင်းသမဂ္ဂ ကို သိတယ်မလား။

yt : ဟုတ်.. ကြားဖူးတယ် ခင်ဗျ။ အဲဒီက လူတွေနဲ့ ကိုမင်းကျော် သိလို့လား။

kmk : ဟုတ်ကဲ့ .. ဆိုပါတော့။ နဲနဲ သိတာပါ။ ကျွန်တော်တို့ရဲ့ ရည်ရွယ်ချက်နဲ့ လုပ်ဆောင်မှုကို သေချာရှင်းပြပေးနိုင်ရင် သူတို့ ကူညီလိမ့်မယ်လို့ ကျွန်တော် ထင်တယ်လေ.။

yt : ဒါဆိုရင်တော့ အဆင်ပြေတာပေါ့ဗျာ။ ကျွန်တော်က ဘာကူညီပေးရမလဲ ဒါဆို. ?

kmk : ဒီလိုဗျာ. ကျွန်တော်လည်း တစ်ခြား ကျွန်တော် ဘလော့ဂ် မိတ်ဆွေတွေကို လိုက် စည်းရုံးကြည့်ပါဦးမယ်။ သူတို့လည်း စိတ်ဝင်စားကြမယ်လို့ ထင်တယ်ဗျ။ ကို yt ကျွန်တော်တို့နဲ့ အတူ ဒီအစီအစဉ်ကို အကောင်အထည်ဖော်တဲ့ ထဲမှာ ကူညီမယ် ဆိုရင်တော့ အတိုင်းထက် အလွန်ပေါ့ဗျာ။

လုပ်စရာ တော့ များများစားစား မရှိပါဘူး။ ကျွန်တော်တို့ကို WordPress နဲ့ ဘလော့ဂ် Gallery ဆန်ဆန် ဆိုဒ်တစ်ခု ဆောက်ပေးဖို့ပါပဲ။

yt : သြော်. ဟုတ်ကဲ့. အဆင်ပြေပါတယ်ဗျ။ ဒါပေမယ့် ကျွန်တော် ထင်တာကတော့ Premium Template တစ်ခုခုကို ဝယ်သုံးလိုက်ရင် ပိုအဆင်ပြေမယ်ဗျ။ ကျွန်တော် ရှာကြည့်လိုက်ပါ့မယ်။ WordPress နဲ့ပဲနော်. ဟုတ်တယ်မလား။

kmk : ဟုတ်တယ်ဗျ။ WordPress နဲ့ပဲ. နောက်. ဘလော့ဂ် စာရင်းတွေ ပြုစုဖို့နဲ့ ဘယ်လို ဘလော့ဂ်တွေကို ထည့်မယ်၊ ကဏ္ဍတွေကို ဘယ်လို ခွဲမယ် အဲဒါတွေကိုတော့ ကျွန်တော် ကျန်တဲ့သူတွေကို ဆွေးနွေး မေးမြန်းကြည့်ဦးမယ်ဗျို့။

yt : အိုကေ ကိုမင်းကျော်. ဒါဆို… ကျွန်တော် Theme တွေ ရှာထားလိုက်မယ်လေ။ ကိုမင်းကျော် စမယ် ဆိုတာနဲ့ ပြောပေါ့..။

kmk : အိုကေ.. အိုကေ ကို yt. ဒါဆို နောက်မှထပ်တွေ့မယ်ဗျို့..

yt : အိုကေဗျို့..

]]> http://blog.mmblogpress.com/2008/12/diary-3/feed/ http://blog.mmblogpress.com/2008/12/diary/ http://blog.mmblogpress.com/2008/12/diary/#comments Sun, 28 Dec 2008 18:36:44 +0000 admin http://blog.mmblogpress.com/?p=8 နေရာ - ကိုမင်းကျော် စီဘောက်စ်

အချိန်း 20 Dec 08, 11:18

20 Dec 08, 11:18

ကိုပြည်သူ: ဆန္ဒမဲလေးများပေးနိုင်ကြပါပြီ။ http://thebestofmyanmarblogs.blogspot

ဆိုပြီး လာရောက်ကြော်ငြာ ပြောဆိုသွား။

22 Dec 08, 10:41

OWAY AUNG: နစ်နေမန်း။ကိုထိုက်တို့ လို ရွှေဝါေ၇ာင်ကာလ ထင်၇ှားခဲ့တဲ့ ဘလော့ဂါတွေကို မဲစာရင်းထဲ ဘာလို့ မထည့်ခဲ့လဲ၊ ဖြေရှင်းချက်ပေးပါ ဒိုင်များ ခင်ဗျာ။ http://thebestofmyanmarblogs.blogspot.

22 Dec 08, 10:40

OWAY AUNG: ဘလော့အကယ်ဒမီပေးပွဲမှာ အကဲဖြတ်ဒိုင်တွေ ဘယ်သူဆိုတာ သိမှ ဖြစ်မှာ။နအဖအကယ်ဒမီပေးပွဲကဒိုင်လူဖြီးတွေရွေးတဲ့အကယ်ဒမီစာရင်းလို ပေါ်လစီဖြစ်မှာစိုးပါတယ်။

ကိုမင်းကျော် စိတ်ရှုပ် လျက် စီဘောက်စ် တွင် သူမဟုတ်ရပါကြောင်းနှင့် မသိရှိရကြောင်း ကမန်းကတန်း စာများ ရိုက်ပြီး၊ ဘုန်းကြီး အမှု ရွာပတ်ခံရသော၊ စိတ်အိုက်နေသည့် မျက်နှာဖြင့် ကြံရာမရ ဖြစ်နေစေ။ နောက်မှ အကြံ ပေါ်ပြီးသကာလ မိတ်ဆွေကြီး ဖြစ်သူ သတ္တမနည်းပညာ ရပ်ဝန်း၏ Co-founder တစ်ဖြစ်လဲ ဘလော်ဂါကြီး တစ်ပိုင်းဖြစ်နေသည့်  ကိုဘလော်ဂါ (၁)  နှင့် ဆွေးနွေးပြောဆို ကြည့်ရန် အပြေးအလွှား အွန်လိုင်းပေါ်သို့ တက်သွားစေ။

အချိန်း 07  Nov 08, 10:05

နိုင်ငံတကာ ဘလော့ဂ်ပြိုင်ပွဲများတွင် ဆုများစွာ ရရှိထားသူ မြန်မာ ရဟန်းတော် အရှင်မေတ္တာစာရ နှင့် သတ္တမနည်းပညာ ရပ်ဝန်းမှ မြန်မာ ဘလော်ဂါ  ကိုမင်းကျော် တို့ ပြောဆို ဆွေးနွေးခဲ့ကြသည့် မှတ်တမ်းများကို ပြန်လည် ဖော်ပြခြင်းဖြစ်သည်။

ashin-mettacara : ဒကာတို့ မြန်မာဘလော်ဂါတွေ အတွက်ရော ဘလော့ဂ်ပြိုင်ပွဲလေးဘာလေး လုပ်ပြီးဆုပေးတဲ့ အစီအစဉ်လေး ဘာလေး မလုပ်ဖြစ် ကြဘူးလား။

kmk : အရှင်ဘုရား ဝင်ပြိုင်မလို့လား ဘုရား။

ashin-mettacara :  မဟုတ်ပါဘူး ဒကာရဲ့။ လုပ်ဖြစ်ရင် ကောင်းမယ် ဆိုတာကို ပြောမလို့ပါ။ အင်တာနက်ပေါ်မှာ ဒီလိုပြိုင်ပွဲတွေ လုပ်နေကြတာ နည်းမှ မနည်းတာပဲလေ။ မြန်မာဘလော်ဂါတွေလည်း အခုဆို အတော်များနေပြီဆိုတော့ သူတို့ တစ်တွေကို စုစုစည်းစည်းလေး ဖြစ်သွားအောင် မှတ်တမ်းတင် ထားဖို့ရယ်၊ နောက် တနည်းအားဖြင့် အချိန်ကုန်၊ ငွေကုန် လူအပင်ပန်းခံပြီး အားထုတ်ထားတဲ့ သူတို့ တတွေရဲ့  အားထုတ် ကြိုးပမ်းမှုတွေကို မြေတောင်မြောက်၊ အသိအမှတ် ပြုပေးရာလည်း ရောက်တာပေါ့။

kmk : မှန်ပါတယ် ဘုရား။ အရှင်ဘုရား ပြောတာ။ သို့သော်လည်း တပည့်တော် တို့မှာက ဘလော်ဂါ ဆိုတာကလွဲလို့ ဘာ သြဇာ၊ အရှိန်အဝါမှလည်း မရှိတော့ တပည့်တော်တို့ ပေးတဲ့ ဆုကို အချင်းချင်း တန်ဖိုးထားပါ့မလား ဘုရာ့။ နောက်ပြီး ဆုပေးတယ် ဆိုကတည်းက စာရွက်လေးနဲ့ပဲ ပထမဆု ရပါတယ်ဆိုပြီး ပေးပြန်ရင်လည်း မသင့်တော်ပြန်ဘူးဘုရာ့။ အနည်းဆုံးတော့ ထိုက်ထိုက်တန်တန်လေး ဖြစ်မှလည်း ဆု ဆိုတာနဲ့ လိုက်ဖက် ညီမှာကိုး ဘုရာ့။

ashin-mettacara :  သြော်.. အဲဒီလိုလဲ မဟုတ်သေးဘူးပေါ့ ဒကာရဲ့။ ဆုပေးတယ်၊ ပြိုင်ပွဲလုပ်တယ် ဆိုကတည်းက အရှိန်အဝါရှိတဲ့သူ၊ သြဇာ ရှိတဲ့သူ တွေကပဲ ပေးရမယ်လို့ ဘယ်သူ သတ်မှတ်ထားလို့တုန်း။ နောက်ပြီး ငွေသားတွေ၊  တန်ဖိုး ကြီးကြီး ပစ္စည်းတွေ ပေးတိုင်းလည်း “ဆု”ဆိုတာရဲ့ မူလ အဓိပ္ပါယ် တန်ဖိုးတက်မလာပါဘူး။ အဓိက ကတော့ ဆုပေးကြသူတွေနဲ့ ဆုရရှိသူတွေကြားမှာ ရော၊ ကျန်တဲ့ ပတ်ဝန်းကျင် အသိုင်းအဝိုင်း တစ်ခုလုံးမှာပါ ဒီ “ဆု” အပေါ် တန်ဖိုးထားမှု၊ ဂုဏ်ယူမှု နှင့် အချင်းချင်း တစ်ဦးကို တစ်ဦး အပြန်အလှန် လေးစားမှု၊ ချစ်ကြည်မှု၊ စည်းလုံးညီညွတ်မှု စတာတွေကို အခြေခံကြဖို့ပါပဲ။

နောက်ပြီး တစ်ကယ်လို့ ဒကာတို့ အဲဒီ ဘလော်ဂါတွေနဲ့ ပတ်သက်လို့ ဆုပေးဖို့ အစီအစဉ် တစ်ခုခုကို အကောင်အထည်ဖော်မယ် ဆိုတာနဲ့ လိုအပ်ခဲ့ရင်လည်း ဆုပေးဖို့ လိုအပ်တဲ့ ထောက်ပံ့မှုရဲ့ တစ်စိတ်၊ တစ်ဒေသ ကို ဦးဇင်း ပေးလှူဖို့ အတွက် မေးကြည့်တာပါ။

ဆုပေးပွဲ အတွက် လိုအပ်တဲ့ အကြံဥာဏ်တွေရှိရင်လည်း ဦးဇင်း ကူညီဖို့ ဝန်မလေးဘူးနော်။ ဦးဇင်းရဲ့ အတွေ့အကြုံတွေကနေ တဆင့်ပြန်ပြောပေးဖို့ အသင့်ပါပဲ။

kmk : မှန်ပါ။ အရှင်ဘုရား ပြောတာတွေ သင့်မြတ်လှပါတယ် ဘုရား။ ဒါပေမယ့်လည်း ဒီကိစ္စက တပည့်တော် တစ်ယောက်တည်း လုပ်လို့ ရတဲ့ ကိစ္စ မဟုတ်တဲ့ အပြင်၊ အားလုံး ဝိုင်းဝန်း ဆုံးဖြတ် လုပ်ကိုင်ကြမှ သင့်တော်မယ့် ကိစ္စဖြစ်တဲ့ အတွက် တပည့်တော် ကျန်တဲ့ ဘလော်ဂါ မိတ်ဆွေများနှင့် တိုင်ပင်ဆွေးနွေး ကြည့်ပါရစေ ဘုရား။ တစ်ခုရှိတာက အခုလောလောဆယ်တော့ တပည့်တော်လည်း အိမ်တစ်ဖက်၊ ကျောင်းတစ်ဖက် အပြင်၊ ကျန်တဲ့ လူမှုရေး ကိစ္စတွေကလည်း အပူလေးတွေ ရှိနေသေးတာမို့ ချက်ချင်းတော့ ဖြစ်နိုင်မယ် မထင်ဘူးဘုရာ့။

ashin-mettacara : ကောင်းပါပြီ ဒကာ။ ဦးဇင်းလည်း ချက်ချင်းကြီး လုပ်ဖို့ရယ်လို့ တိုက်တွန်းတာ မဟုတ်ပါဘူး။ ဒီလို အစဉ်အလာလေး အစပျိုးလုပ်ကြည့်ကြဖို့၊ နောက် မြန်မာ ဘလော့ဂ် လောကမှာလည်း ဒါမျိုးလေးရှိသင့်တယ် ထင်လို့ တိုက်တွန်း အကြံပေးတဲ့ သဘောပါ။ ဒကာတို့ လုပ်ဖြစ်ကြမယ် ဆိုရင်သာ ဦးဇင်းကို လိုတဲ့ အကူအညီတောင်းဖို့ မမေ့နဲ့ဗျာ။

kmk : တင်ပါ့ဘုရား။